กำค่าวกำคมกวีล้านนาภาค๑๘๙
โฉลกราศี
ปี๋เกิดนั้นเล๊า
ฟังกำคนเฒ่า เนอจุมลูกหลาน
ราศีพฤษภ
ขันคำตั้งฐาน
ราศีเมถุน ขุนปลงบ่แล่นเข้า
( บ่ดี ) เนอเฮา ปี้จั๊น
ราศีกรกฎ มือตุ้มหาบนั้น
ลงจากบ่าหั้น ( ดี ) นา
ราศีสิงห์นี้ ฮู้ท่านมาหา
บ่ฮู้ก่อมา ตึง ( ดี
) แต๊ใบ้
ราศีกันยา
หวังมาไค่ได้
เงินคำเปิ้นนอ บ่แล้ว (ป๋านกล๋าง)
ราศีตุลย์กา ต๋ายบ่าแป๊ว
เปื้อไม้หาบก้าน คานตุง (บ่ดี )
ราศีพิจิก บ่คิดสุงสิง
กล๋างหมู่จุมปิง กลุ่มคนเมาเหล้า ( บ่ดี )
ราศีธนู
เมื่อสูหนุ่มเหน้า
ท่านหุมพอง ( ดี ) แต๊ตั๊ก
ราศีมังกร หัวหยองท่านมัก
ปองถามหาหั้น ตึงวัน ( บ่ดี )
ราศีกุมนี้
จี๊ท่านกระทำกั๋น
ก๋ารงานเนืองนัน ดู ( ดี
)ไจ้ไจ้
ราศีมีนกา ใจ๋หาญบาปใบ้
( บ่ดี )เนอนาย ปี้น๊า
ราศีมีนมี ( บ่ดี ) ถ่อยจ๊า
ต๋ายขี้ดาบข้า ฟันคอ แหล่นายเฮย........
รสสุคนธ์ รักษ์วี
ชมรมอนุรักษ์ภาษาวัฒนธรรมล้านนา-ชมรมฟื้นฟูกวีล้านนานักค่าวภาคเหนือ
๒๖/๓ ถนนสายเชียงใหม่-ฮฮด ก.ม.ที่๒๗ ต.บ้านกลางอ.สันป่าตองจ.เชียงใหม่
