กะโลง แด่.....เจ้าแม่ดวงเดือน
อภิวันฮ่ำถ้อย วาตี
ยอใส่ขันสะหลี ดอกไม้
มามอบมิ่งคุณมี ต๋นแม่ เฮานอ
งามแจ่มจ๋อมนาถไท้ หน่อเนื้อ นาบุญ
สานสืบคุณส่งหื้อ จุมลา
วัฒนธรรมสภา เอกอ้าง
เมืองปิงรุ่งเรืองมา สืบเนื่อง เฮาเฮย
พระเมตต๋าแผ่กว้าง เกริกก้อง ลานนา
ป๋าระมีท่านสร้าง ตางทาน
ป๊กห่มแลเจือจาน แม่ต้าว
อายุยิ่งยืนนาน พละเลิศ เลอแฮ
สัพพะโรคาเถื่อนด้าว อย่าได้ ราวี
แปดสิบสามปี๋ล่วงเข้า มาดล
ขอจุ่งเป๋นกุศล แจ่มจ้า
ดวงเดือนแม่มีชนม์ อยู่ม่วน เจยบาน
เป๋นมิ่งขวัญจุ๋มหล้า ลูก เ ต้า เมืองปิง เฮาเฮย.......
รสสุคนธ์ รักษ์กวี
( ถนอม
ปาจา )
๒๗ พฤศจิกายน
๒๕๕๔
