กะโลงแด่...แม่ครูอรพรรณ ปัญโญใหญ่
อภิวันฮ่ำถ้อย วาตี
ยอใส่ขันสะหลี ดอกไม้
มามอบมิ่งคุณมี ต๋นแม่ ครูนอ
งามเด่นเป๋นนาถไท้ แหล่งหล้า สันป่าตอง
ทำงานสานส่งหื้อ จุมลา
วัฒนธรรมสภา เอกอ้าง
เมืองเฮารุ่งเรืองมา สืบเนื่อง เฮาเฮย
ความเมตต๋าแผ่กว้าง ทั่วด้าว ธานี
ป๋าระมีที่สร้าง ยาวนาน
ขอห่มแลเจือจาน แม่นี้
อายุยิ่งยืนนาน พละเลิศ เลอแฮ
สัพพะโรคจุ่งลี้
อย่าได้ มาจู
ลุวันปี๋ใหม่แก้ว มาเติง
ขอจุ่งเป๋นบุญเติง แจ่มจ้า
อรพรรณแม่ร่ำเปิง อยู่ม่วน เจยบาน
เป๋นมี่งขวัญจุ๋มหล้า ลูกน้อง ป้องป๋าย เฮาเฮย.......
รสสุคนธ์ รักษ์กวี
( ถนอม
ปาจา )
ครูภูมิปัญญาไทยรุ่นที่๗ สาขาภาษาและวรรณกรรม
จากสำนักงานเลขาธิการสภาการศึกษา ปี๒๕๕๔
ประพันธ์
มอบให้เนื่องในวาระส่งท้ายปี๋เก่าต้อนรับปี๋ใหม่ ๒๕๕๖
และในวาระที่ได้รับตำแหน่งประธานสภาวัฒนธรรมอำเภอสันป่าตองด้วย
๒๙ ธันวาคม
๒๕๕๕
