กะโลงหางดงเมืองงาม
หางดงเมืองมิ่งแก้ว ธานี
เมินกว่าหลายร้อยปี๋ รุ่งฟ้า
จาวเมืองมั่งมูลมี ปออยู่ เฮานอ
งามเด่นเป๋นสะง้า เกียรติก้อง เนอนาย
วัดวางามเด่นก้อง ลานนา
มีปู่แสะฮักษา มิ่งแก้ว
หางดงจิ่งตีฆา สืบเนื่อง เฮาเฮย
ทุกสิ่งงามเลิศแล้ว แผ่นด้าว แดนดำ
มีดอยคำคู่บ้าน มงคล
งามเด่นเป๋นกุศล เอกอ้าง
ไผมาแอ่วมายล มาม่วน เมืองเฮา
มาฮ่วมกั๋นสรรสร้าง สืบได้ ไปเมิน
อัญเจิญเทพปกป้อง ยืนยง
ป๊กห่มเมืองหางดง พี่น้อง
จัยโจคสู่จัยจง สืบต่อ ไปนอ
ยศเกียรติลือลั่นก้อง แผ่นหล้า ธานี
เฮาเฮย.....
รสสุคนธ์ รักษ์กวี
ชมรมอนุรักษ์ภาษาวัฒนธรรมล้านนา
๒๖ มีนาคม ๒๕๕๕
