กลอนชัยวิเศษหาย
วรรณศิลป์ ถิ่นล้านนา ภาษาฝัน
ออกกู้วัน อาทิตย์ คนติดใจ๋
ชัยวิเศษ ดีสุวรรณ นั้นหายไป
เป๋นเรื่องใหญ๋ โทรหากั๋น นั้นวุ่นวาย
รสสุคนธ์ ตอบบ่ได้ ไปไหนกั๋น
อ้ายสนั่น หูปอฮ้อน ต๋อนฮับสาย
สรจิตร ปรีชา ต๋าปอลาย
เซาะหาจาย ชัยวิเศษ เลทไหนจา
อ้ายจ๋อมแว่ บอกแย่แล้ว แซวเสียงหลง
พ.โพธิ์ดง หนามไผ่โตน บ่นแต๊ว่า
ดาราวดี สับสน จ๋นกิ๋นยา
ไพรแก้วว่า ติดธุระ สหกรณ์
สเปโต มอยมอดไม้ เจ็บในหัว
คุณป้าบัว บอกบ่าหล้าง ลางสังหรณ์
สมศักดิ์ห่วง เพื่อนเล่า ลืมข้าวตอน
แฟนรายก๋าร เ ดือดร้อน นอนกังวล
พ่องก่อว่า น่าจะ แจ้งตำรวจ
จะได้ตรวจ เครือข่าย สายถนน
๑๙๑ ถามโฮงยา แก่นต๋ามน
ร.ป.ภ. กู้ต๋ำบล จ๋นปอเคือง
เผื่อมาฮู้ ปะกั๋น ในวันถัด
เป๋นว่านัด น้องเรยา...... ปาไปเขื่อง
เมาเซาะซื้อ กระเป๋างาม ต๋ามในเมือง
เรื่องของเรื่อง ว่าวันพูก ลูกเปิดเทอม
รสสุคนธ์ รักษ์กวี
ชมรมอนุรักษืภาษาวัฒนธรรมล้านนา-ชมรมนักกลอนเชียงใหม่-ลำพูน
๔๓
/๑หมู่๗บ้านสันห่าวต.บ้านกลางอ.สันป่าตองจ.เชียงใหม่๐๘๖-๙๑๔๘๕๓๗
