กำปัดเคราะห์ ท่านผู้ว่า และคุณนายจังหวัดภูเก็ต
อัชจะไจโส อัชจะไจโย อัชจะในวันนี้ ก็หากเป๋นวันดี เป๋นวัน
ศรีใสงามวิเศษ
ข้าจักมาปั๊ดเคราะห์ภัยเหตุ สัพพะเสนียดจัญไรตังหลาย เคราะห์ปายในหื้อถอนออก
เคราะห์ปายนอกหื้อถอยหนี เคราะห์ราวีแก่กล้า เคราะห์ตังหลายอย่าได้มาถ้า เคราะห์ตังหน้าอย่าได้มาติด เคราะห์ปาผิดเป๋นโต้ด เคราะห์ร้ายโหดฉกรรจ์
เคราะห์หลายปัน หลายอันหลายสิ่ง หื้อดับมิ่งไกลกลา หื้อตกไปต๋ามเส้นไหม
หื้อไหลไปต๋ามเส้นด้าย หื้อเคราะห์เจ้าตังหลาย ได้ยกย่างย้ายขอคลายออกจากต๋นตั๋วไป ในก๋าละบัดนี้ยามนี้ ข้าจักด่าเคราะห์หื้อหนี จักตี๋เคราะห์หื้อแล่น ด้วยมนต์
ติ๊บแก้วแก่นอาคม แห่งพระศรีโคดมต๋นวิเศษว่า สัพพะทุขขา สัพพะโรคา
สัพพะภะยา วินัสสันตุ
โคลง๔
ไชโยไชโชคช้าง มงคล
ศุภฤกษ์มหาผล ยิ่งแล้ว
ลาภจุ่งมาดล ลุท่าน เฮาเฮย
สุขเกษมผ่องแผ้ว ยิ่งด้วย ลาภา
อายุยืนยิ่งร้อย วัสสา (พรรษา)
วรรณผ่องโสภา เลิศล้วน
สุขะยิ่งอัตตา ทุกเมื่อ ยามเฮย
พละกำลังถ้วน ปราบได้ หมู่ภัย
มารเทอญ.........
