กำค่าวกำคมกวีล้านนา
ภาค ๗๐
คนมีมานะ ย่อมประสพผล
สำเร็จกู้คน เป๋นจริ๋งแน่มั่น
คนบ่ทำงาน นอนฮานอยู่หั้น
ตึงบ่มีวัน
จวบป๊บ(ความสำเร็จ)
ลูกหลานญิงจาย จุ่งได้นอบนบ
คบยำปู่ป้า ลุงอา
ป้อแม่ปี้น้อง เกี่ยวข้องวงศา
จักเป๋นบุญญา ฮักษาห่อหุ้ม
ฮีตประเพณี งามดีอ่อนอุ้ม
อย่าละเลยตุม หลานฮัก
ของเก่าล้านนา มาอนุรักษ์
ฮักษาต่อหื้อ ยาวเมิน
บ่านอยบ่าน้ำ ล่ะตำค้างเติ๋น
มักเน่าเหม็นเอิน กั๊บจองกั๊บบ้าน
กวีล้านนา ภาษาถิ่นถ้าน
บ่าเล่าเมินนาน แน่แล้ว
ก่อจะลืมลา บ่กลากลาดแกล้ว
แผ่วหายเฮี่ยจ้อย คนเอียน
ค่าวซอค่าวจ๊อย คนเมืองบ่เขียน
คนเมืองบ่เฮียน คนเมืองบ่อู้
คนอื่นตี้ไหน ไผจักหลิ่งหลู้
มาอ่านมาดู ผ่อซ้ำ
คงจะสูญหาย ไปเวยเจ้นล้ำ
เสียดายของเก่า เกื้อ โบราณ แหล่นายเฮย....
รสสุคนธ์ รักษ์กวี
ชมรมอนุรักษ์ภาษาวัฒนธรรมล้านนา-ชมรมฟื้นฟูกวีล้านนานักค่าวภาคเหนือ
๔๓
/๑หมู่๗บ้านสันห่าวต.บ้านกลางอ.สันป่าตองจ.เชียงใหม่๐๘๖-๙๑๔๘๕๓๗
