มือตี้ผ่อบ่หัน
มือผ่อบ่หัน นี้มันลี้ลับ สังมากีดกั๊บ หัวอ๊กหัวใจ๋
บ่อาจจะยับ จั๊บต้องข้องไข กั๊บตั๋วคนใด ไผตี้เกี่ยวข้อง
แต่เป๋นอย่างใด อู้ไปหล้องหล้อง เหมือนมองหันมือ นั้นเน๊าะ
นี่แหละโวหาร ของก๋ารบ่มเพาะ เหมาะเหม็งแห่งด้าน ก๋ารเมือง
อู้อะหยังนั้น ดูมันไปเปลื๋อง ปล่อยความขุ่นเคือง บานปล๋ายดั่งอั้น
เรื่องดำหื้อขาว เรื่องยาวหื้อสั้น ผิดเป๋นถูกมัน งืดล้ำ
ประชาธิปไตย เ กิ่งใบขุ่นจ้ำ ปิ้นจะหลิ้นได้ เป๋นลาย
ต๋อนหาเสียงนั้น เถียงกั๋นฮิมต๋าย ปุ๋นน่าดีอาย ปู่ลุงแม่ป้า
อวดพรรคตั๋วดี บ่มีบาปบ้า บ่คบปาลา เ ถื่อนยักษ์
ปอพรรคใหญ่บ๋อ ได้ส.ส.นัก เปิ้นจั๊กปากอู้ เจิญจวน
ลืมกำฟู่เก๊า เมาใจ๋ผันผวน ปล๋าไหลซิวซวน ตวยกั๋นเป๋นถ้อย
แป๋งมาฟู่จ๋า ทำต๋าอ่อนอ้อย ขออยู่ฮอมปอย พ่องแต้
ขอเพียงได้เป๋น พวกมดปลวกแย้ เป๋นรอดต๋งแ ก้ ลำคืน
ยอมหื้อเปิ้นทับ กั๊บใจ๋เต๋มกลื๋น บ่อาจจักยืน บนแข้งตั๋วได้
ปล่อยคนเลือกมา หูต๋าบอดใบ้ เป๋นเฮือดเป๋นไฮ เหลือกย้อน
หัวอ๊กปูดโธ บะโอกะท้อน เขาตุ๊บบีบต้อน จ๋นบวม
เจ็บใจ๋แต้เล๊า เปิ้นเอาเขาสวม อู้เอาภาพรวม ทำต๋ามจาวบ้าน
หยังมาเสียใน หัวใจ๋เสี้ยงถ้าน ปุ๋นดีลำคาญ แ ต๊ตั๊ก
เรื่องมือบ่หัน ขอหื้อมันพัก จักไปตื่นเต้น ตวยตัน
ยิ่งนับวันนี้ ต๋ามตี้เฮาหัน ความขุ่นเคืองมัน เหมือนมีนักขึ้น
ขอไจ๊ผะหญา อย่ามากึ๊ดตื้น ผ่อนผายมายคืน กั๋นเ ต๊อะ
เลือกตั้งแล้วหวัง ไค่นั่งเติกเม๊อะ เป๊อะอิงกั๋นอู้ กำดี
ขอหื้อผ่อนพัก เรื่องศักดิ์เรื่องศรี นำสามัคคี คืนมาสู่บ้าน
กลั๋วหละอ่อนมัน นั้นจะขี้หย้าน เบื่อก๋ารเมืองพาล หม่นตุ๊ก
จะไปหื้อควัน ไฟมันเอ่าลุก สุกดิบก็ผู้ คนใน
(เฮาเสีย)กรุงศรีสองครั้ง ขอฟังเพราะไผ ก็เพราะคนไทย แ ตกแยกกั๋นเจ้า
ผ่อเป๋นบทเฮียน เปียรศึกษาเข้า เป๋นต๋ำราเอา เ คร่งครัด
ความสามัคคี ไมตรี๋ผูกมัด จัดเป๋นป๋มป้อง ภัยยา
ฮักตึงตางซ้าย บ่หน่ายตางขวา กล๋างมัชฌิมา สุขขาเ ตี่ยงมั่น
จีวิตคนเฮา ไผอยู่ยาวหั้น เยี๊ยะสังหื้อตัน ยั้งคิด
เมื่อยามเฮาต๋าย สหายญาติมิตร หื้อเขาอวดอู้ บรรยาย
คุณความดีนั้น มันตึงบ่หาย เป๋นผลงานดาย ประดับโลกเจ้า
ในปี๋มงคล ต๋นบุญล้นเกล้า ภูมิพลเฮา เทิดไว้
แปดสิบพรรษา มหาป้อไท้ น้อมขอกราบไหว้ วันตา
มาฮักกั๋นไว้ อย่าได้ถือสา มือบ่หันมา ลืมเหียอย่าอู้
จะเป๋นกุศล ส่งดลกอบกู้ นำผลบุญจู จ้วยก๊ำ
หมู่เฮาคนไทย บ่ได้ขุ่นจ๊ำ เหมือนกั๋นจุผู้ จุมชน
ปั๋ญญาฅน เขียนมีเต้าอี้ เ ต้านี้ก่อนแหล่ นายเฮย......
รสสุคนธ์ รักษ์กวี
ชมรมอนุรักษ์ภาษาวัฒนธรรมล้านนาเชียงใหม่
อำเภอสันป่าตอง จังหวัดเชียงใหม่๕๐๑๒๐
๒๖ กุมภาพันธ์ ๒๕๕๑
( ๐๘๖-๙๑๔๘๕๓๗)
